17

صادق آباد ٹرین حادثے پر حزب اختلاف کی تنقید پر پی ٹی آئی کا جواب –


اسلام آباد: تحریک انصاف کے مرکزی رہنما عمر سرفراز چیمہ نے صادق آباد ٹرین حادثے پر حزب اختلاف کی تنقید پر جواب دیتے ہوئے کہا ہے کہ قوم سوگوار ہے جب کہ حزب اختلاف کو سیاست چمکانے سے فرصت نہیں۔

تفصیلات کے مطابق پی ٹی آئی رہنما عمر چیمہ نے کہا کہ صادق آباد اور حسن ابدال میں افسوس ناک ٹرین حادثات پیش آئے، قوم سوگواران اور متاثرہ خاندانوں کا دکھ بانٹ رہی ہے۔

عمر چیمہ کا کہنا تھا کہ حزب اختلاف کو سیاست چمکانے سے فرصت نہیں ہے، متاثرین سے ہم دردی کی بہ جائے اپوزیشن سیاسی بیان داغنے میں مصروف ہے۔

رہنما پی ٹی آئی نے مزید کہا کہ ریلوے نظام کو برباد کرنے میں پاکستان مسلم لیگ ن اور پاکستان پیپلز پارٹی ان دو جماعتوں کا بڑا حصہ ہے۔

یہ بھی پڑھیں:  آئے روز ٹرین حادثات، محکمہ ریلوے نے ڈرائیورز کو ذمہ دار قرار دے دیا

واضح رہے کہ آج صبح ولہار پھاٹک کے قریب مسافر ٹرین اکبر ایکسپریس اور مال گاڑی میں تصادم کے نتیجے میں 10 افراد جاں بحق جب کہ 32 زخمی ہوئے۔

اکبر ایکسپریس حادثے کے بعد ٹرین آپریشن معطل ہے، بزنس ایکسپریس، کراچی ایکسپریس کو مختلف اسٹیشنز پر روک لیا گیا تھا، گرین لائن، رحمان بابا ٹرین کا سفر بھی تعطل کا شکار ہو گیا تھا۔

ٹرین حادثے پر وزیر اعظم پاکستان نے ٹویٹر پر اظہار افسوس کرتے ہوئے کہا کہ کئی عشروں سے ریلوے کے انفراسٹرکچر کو نظر انداز کیا گیا ہے۔ انھوں نے متعلقہ حکام کو انفرا اسٹرکچر بہتر کرنے اور سیفٹی اسٹینڈرڈز یقینی بنانے کی ہدایت کی ہے۔

Comments

comments





Source link