27

منظور وسان کی وزراء اور پی ٹی آئی رہنماؤں کی گرفتاری کی پیشگوئی


کراچی : پاکستان پیپلز پارٹی کے رہنما منظور وسان نے وزرا، پی ٹی آئی رہنماؤں کی گرفتاری کی پیشگوئی کرتے ہوئے پی ٹی آئی کے2 وزرا کے پیپلزپارٹی سے رابطوں کا دعویٰ کردیا ہے اور کہا جنوری 2020تک عمران خان کومجبورن لندن جاناپڑے گا۔

تفصیلات کے مطابق سیاسی پیشگوئیوں کے حوالے سے شہرت رکھنے والے پاکستان پیپلز پارٹی کے رہنما منظور وسان نے وزرا، پی ٹی آئی اور جی ڈی اے رہنماؤں کی گرفتاری کی پیشگوئی کرتے ہوئے سال 2020 حکومت کے لئے مشکل قرار دے دیا۔

منظوروسان نے پاکستان تحریک انصاف کے 2 وزرا کا پیپلزپارٹی سے رابطوں کا دعویٰ بھی کیا۔

پی پی رہنما نے وزیراعظم سے متعلق کہا 2020 میں عمران خان کو حکومت میں نہیں دیکھ رہا، جنوری 2020 تک عمران خان کو مجبوراََ لندن جانا پڑے گا۔

جنوری 2020 تک عمران خان کومجبوراََ لندن جاناپڑے گا

ان کا کہنا تھا جولائی سےپی ٹی آئی کیلئےمشکلات پیداہوناشروع ہوں گی ، وزرا اور پی ٹی آئی کے رہنما بھی پکڑ میں آئیں گے، گرفتاریاں اور حالات حکومت کو چلتا کرنے کا طریقہ ہیں۔

بجٹ کے حوالے سے منظوروسان نے کہا حکومت کےلئےبجٹ منظورکرانامشکل ہوگا، بجٹ میں مشکلات پیداکی جائیں گی۔

مزید پڑھیں : عمران خان اچانک وزیر اعظم کےعہدے سے مستعفی ہوں گے ، منظور وسان کی پیش گوئی

یاد رہے گذشتہ ہفتے منظور وسان کا کہنا تھا کہ عمران خان 2020 تک بھی نہیں چل پائیں گے ، لگتا ہے عمران خان اچانک وزیر اعظم کے عہدے سے مستعفی ہوں گے اور موجودہ حکومت اس سال کے آخر میں دم تو ڑ جائے گی۔

پی پی رہنما نے کہا تھا پارٹی کے فیصلے کے بعدپنجاب سے احتجاج شروع کیاجائےگی ، احتجاجی سلسلہ شروع ہوتےہی مختلف پارٹیاں نکلیں گی۔

گذشتہ ماہ کے آغاز میں بھی پی پی رہنما نے وزیر اعظم عمران خان سے متعلق حیران کن پیش گوئی کرتے ہوئے کہا تھا 2020 عمران خان اور اس کی حکومت کے لیے کڑوا سال ثابت ہوگا، جون کے بعد حالات ایسے ہوں گے کہ وزیر اعظم خود ہی استعفیٰ دیں گے۔

ان کا کہنا تھا انھیں سوچ سمجھ کر فیصلے کرنے چاہییں، ایسا نہ ہو کہ مستقبل میں وزیر اعظم کے فیصلے نہ مانے جائیں اور انھیں اپنی سیاست سے ہاتھ دھونا پڑے۔

Comments

comments





Source link