25

ٹانک میں 16 سال بعد جشنِ دامان کا انعقاد –


 ٹانک: ڈی آئی خان میں تین روزہ ثقافتی میلے کا انعقاد ہوا، جشنِ دامان نامی اس میلے میں کئی منفرد مقابلوں کا انعقاد کیا گیا، یہ میلہ 16 سال کے تعطل کے بعد منعقد ہورہا ہے۔

تفصیلات کے مطابق تین روزہ جشن دامان ثقافتی میلہ کی رنگا رنگ افتتاحی تقریب ٹاؤن ہال ٹانک میں منعقد ہوئی۔جشن دامان ثقافتی میلہ کی تقریبات تین دن تک جاری رہیں گی جس میں موسیقی پروگرام ،کبڈی ،نیزہ بازی،نشانہ بازی ڈاگ ریس سمیت دیگر مقابلوں کا انعقاد کیا جائے گابہترین کارکردگی پیش کرنے والے کھلاڑیوں اور شرکاء میں انعامات تقسیم کئے جائیں گے۔

گزشتہ شام ٹاون ہال گرائونڈ میں افتتاحی تقریب کے موقع پرسکول کے طلباء نے ملی نغمے ،ٹیبلو پیش کیے شرکاء کو محظوظ کرنے کے لئے گھوڑا رقص پیش کیا گیا۔جبکہ شاندار آتش بازی کا مظاہرہ بھی کیا گیا۔اردو سرائیکی وپشتو ادبی مشاعرہ سے شرکاء نے شائقین کو خوب لطف اندوز کیا۔

جش دامان کے افتتاعی تقریب میں شائقین و عوام نے کثیر تعداد میں شرکت کی۔ تقریب سے خطاب کرتے ہوئے ضلع ناظم مصطفی کنڈی ڈپٹی کمشنر شاہ رخ علی خان نے کہا کہ جشن دامان میلے کا مقصد عوام کو تفریح فراہم دینے سمیت ثقافتی سرگرمیوں کو اجاگر کرنا ہے ، تاکہ نئی نسل کو منفی سرگرمیوں سے باز رکھنے میں مدد گار ثابت ہو ۔عوام جشن دامان کو کامیاب بنانے میں اپنا کردار ادا کریں ۔

میلے کا انعقاد اور باہر سے آنے والے مہمانوں کی شرکت اس بات کا ثبوت ہے کہ سیکورٹی فورسز کی بے تحاشہ قربانیوں سے ٹانک میں دیر پا امن قائم ہو چکا ہے جس پر سیکورٹی فورسز کو خراج تحسین پیش کرتے ہیں۔ انہوں نے کہا کہ جشن دامان کا انعقاد ہر سال جاری رہے گا۔اس میلے کا انعقاد 16 سال کے تعطل کے بعد ممکن ہوسکا ہے۔

جشن دامان میلہ میں نیزا بازی و ڈاگ ریس جبکہ ٹاون ہال میں تیر اندازی جیسے کھیلوں سے شائقین کو خوب لطف انداز کیا گیا۔ ریجنل سپورٹس آفیسر رضی اللہ بیٹنی نے کہا کہ میلے کے انعقاد سے جہاں مقامی کھلاڑیوں کو اپنے فن کے جوہر دکھانے کو ملتے ہیں وہیں پر کاروباری و سماجی سرگرمیوں میں کو بھی فروغ ملتا ہے۔

انہوں نے کہا کہ ہم نے 16سال بعد علاقہ میں ایک بار پھر مثبت سرگرمیوں کی داغ بیل ڈال دی ہے اور اب ان شاء اللہ ہر سال تواتر سے اس میلے کا انعقاد کیا جاتا رہے گا ۔

Comments

comments





Source link