34

دبئی کے صحراؤں میں جیٹ مین (اڑنے والے آدمی) پرواز کرتے دیکھے گئے، ویڈیو وائرل


ابوظہبی(مانیٹرنگ ڈیسک)اماراتی ریاست دبئی کے صحراؤں میں ایک مرتبہ پھر جیٹ مین (اڑنے والے آدمی) پرواز کرتے دیکھے گئے ہیں، ویڈیو سوشل میڈیا پر وائرل ہوگئی۔ تفصیلات کے مطابق متحدہ عرب اماراتی کی ریاست دبئی کے ولی عہد حمدان بن محمد بن راشد المکتوم نےسماجی رابطے کی ویب سائٹ پر دبئی کے جیٹ مین وینس ریفٹ اور ریڈ فوگین کی جیٹ پیک پہن کر بادلوں میں خطرناک کرتب دیکھانے کی ویڈیو سوشل میڈیا پر اپلوڈ کی تھی۔ حمدان بن محمد نے مذکورہ ویڈیو عربی اور انگریزی تحریر کے ساتھ اپلوڈ کی کہ ’مستقبل یہاں ہے‘ جو دیکھتے ہی دیکھتے وائرل

ہوگئی۔ ویڈیو میں دیکھا جاسکتا ہے کہ دو افراد کو جیٹ پیک پہنے ہیلی کاپٹر سے چھلانگ لگاتے ہیں اور فضاؤں میں کسی پرندے کی مانند پرواز کرنے لگتے ہیں۔ جیٹ مین صحرا میں پرواز کرتے ہوئے مختلف انداز سے کرتب دکھاتے ہیں اور کچھ لمحوں بعد ہیلی کاپٹر سے اونچی پرواز کرتے ہوئے آنکھوں سے اوجھل ہوجاتے ہیں۔ اماراتی خبر رساں ادارے کا کہنا ہے کہ جیٹ مین کی ویڈیو کو 24 گھنٹوں کے دوران اتنی زیادہ وائرل ہوئی کہ اب تک اسے 7 لاکھ 63 ہزار لوگ دیکھ چکے ہیں۔ خبر رساں ادارے کا کہنا تھا کہ دبئی کے ولی عہد کی ویڈیو پر رد عمل دیتے ہوئے جیٹ مین اس تحریر کے ساتھ ’جی۔۔۔مستقبل یہاں ہے‘ اپنی خوفناک کرتب کی ویڈیو خود بھی سوشل میڈیا پر اپلوڈ کی۔





Source link