20

سعودی حکومت کا پاکستانی شہریوں کے لیے ویزا فیس میں کمی کا امکان، ذرائع


ریاض:سعودی حکومت نے پاکستانی شہریوں کے لیے ویزافیس میں کمی کا فیصلہ کیا ہے ، ویزافیس میں کمی کا اطلاق 15 فروری سے متوقع ہے،موجودہ وزٹ ویزا فیس تقریبا 2000 سعودی ریال ہے۔

تصیلات کے مطابق سعودی حکومت کی جانب سے پاکستانی شہریوں کے لیے ویزافیس میں کمی کا امکان ہے ، ویزافیس میں کمی کا اطلاق 15 فروری سے متوقع ہے۔

ذرائع کا کہنا ہے کہ  وزٹ ویزا فیس338 ، سنگل انٹری فیس338 اور ملٹی پل ویزافیس 675 ریال ہوگی جبکہ موجودہ وزٹ ویزا فیس تقریبا 2000 سعودی ریال ہے۔

دوسری جانب سعودی عرب کی حکومت نے پاکستان کو ای ویزہ کی سہولت دینے کا عند یہ دے دیا ہے ، جس سے پاکستانی عازمین حج کو ویزہ انٹرنیٹ سے  آن لائن دیا جاسکےگا، وفاقی وزیر مذہبی امور نورالحق قادری نےاس بات کی تصدیق کردی ہے۔

مزید پڑھیں : پاکستانی حجاج کے لیے ای ویزا جاری کرنے کا فیصلہ

وفاقی وزیر کا کہنا تھا کہ شاہ سلمان دورہ پاکستان کے موقع پر ان سے پاکستان کے حج کوٹہ میں اضافے کی بات بھی کریں گے, روڈ ٹو مکہ منصوبہ کا سعودی حکومت کیساتھ معاہدہ ہوگیا ہے، سعودی حکومت نے اس سال پاکستان کو روڈ ٹو مکہ منصوبے میں شامل کرلیا ہے، لاہور اور کراچی سے روڈ ٹو مکہ منصوبے کا آغازہوگا۔

یاد رہے وزیراعظم عمران خان کی دعوت پرسعودی عرب کے ولی عہد محمد بن سلمان دو روزہ دورے پر 16 فروری کو پاکستان آئیں گے، محمد بن سلمان کے دورہ پاکستان میں آئل ریفائنری سمیت بیس ارب کے معاہدے متوقع ہیں۔

سعودی ولی عہد محمد بن سلمان کی پاکستان آمد پر وزیر اعظم عمران خان اور کابینہ کے اراکین استقبال کریں گے، وزیر اعظم ہاؤس آمد پر ولی عہد کو گارڈ آف آنر پیش کیا جائے گا ، جہاں عمران خان اور شہزادہ محمد بن سلمان کی ون آن ون ملاقات بھی ہوگی جبکہ مہمانوں کو ظہرانہ بھی دیا جائےگا۔

خیال رہے شہزادہ محمد بن سلمان دورہ جہاں پاکستان اور سعودی عرب کے درمیان نئے دورکا آغاز ہے ، وہیں پاکستان کے معاشی مستقبل کے لیے بھی اہم سمجھا جارہا ہے۔

Comments

comments





Source link