26

سندھ بھر میں ینگ ڈاکٹرز کی ہڑتال دوسرے روز بھی جاری


 صوبے کے تمام اسپتالوں کی او پی ڈیز اور آپریشن تھیٹرز آج بھی بند ہیں۔ فوٹو : فائل

صوبے کے تمام اسپتالوں کی او پی ڈیز اور آپریشن تھیٹرز آج بھی بند ہیں۔ فوٹو : فائل

 کراچی: مطالبات کی منظوری کے لیے ینگ ڈاکٹرز کی سندھ بھر میں ہڑتال دوسرے روز بھی جاری ہے۔

کراچی سمیت صوبے بھر کے سرکاری اسپتالوں میں مطالبات کی منظوری کے لیے ینگ ڈاکٹرز کی ہڑتال دوسرے روز بھی جاری ہے، صوبے کے تمام اسپتالوں کی او پی ڈیز اور آپریشن تھیٹرز آج بھی بند ہیں جس کے باعث شہریوں کو شدید پریشانی کا سامنا ہے۔

ہڑتال کی وجہ سے کراچی میں جناح، سول، این آئی سی ایچ، این آئی سی وی ڈی، لیاری جنرل اور دیگر اسپتال بند پڑے ہیں اور دور دراز سے آئے مریض خوار ہو کر رہ گئے ہیں۔

ینگ ڈاکٹرز کا کہنا ہے کہ دوسرے صوبوں کے برابر تنخواہ اور مراعات ملنے تک او پی ڈیز اور آپریشن تھیٹرز بند رہیں گے، 2 ہفتے پہلے مشیرِ اطلاعات نے مطالبات کو منظور کرتے ہوئے جلد نوٹیفکیشن جاری کرنے کا اعلان کیا تھا تاہم سندھ حکومت نے اب تک تنخواہوں میں اضافے کا نوٹیفکیشن جاری نہیں کیا۔





Source link