41

پی ایس 11 ضمنی الیکشن، الیکشن کمیشن نے پیپلزپارٹی کی ریلی کا نوٹس لے لیا


لاڑکانہ: پی ایس 11 ضمنی الیکشن میں ضابطہ اخلاق کی خلاف ورزی پر الیکشن کمیشن نے نوٹس لے لیا۔

تفصیلات کے مطابق چیئرمین پیپلزپارٹی بلاول بھٹو کی زیر قیادت پی ایس 11 میں ریلی نکالی گئی تھی، الیکشن کمیشن نے پیپلزپارٹی کی ریلی کا نوٹس لے لیا ہے۔

ذرائع کے مطابق ضابطہ اخلاق کی خلاف ورزی پر صوبائی وزرا کے خلاف کارروائی کا امکان ہے، ڈسٹرکٹ مانیٹرنگ افسر نے تصدیق کرتے ہوئے کہا ہے کہ ضابطہ اخلاق کی خلاف ورزی کی شکایت ملی ہے۔

عبدالغفار کا کہنا ہے کہ قواعد کے تحت مرتکب ارکان اسمبلی، وزرا کو نوٹس جاری کیا جائے گا۔

مزید پڑھیں: وفاقی حکومت اور اتحادی سندھ کے دل کراچی پر قبضہ چاہتے ہیں: بلاول بھٹو

واضح رہے کہ پیپلزپارٹی کی ریلی میں صوبائی مشیر اور ارکان سندھ اسمبلی نے شرکت کی تھی، ریلی میں نثار کھوڑو، سہیل سیال، ناصر حسین شاہ، شبیر بجارانی ودیگر نے شرکت کی تھی۔

یاد رہے کہ گزشتہ روز لاڑکانہ میں انتخابی ریلی میں کارکنوں سے خطاب کرتے ہوئے بلاول بھٹو کا کہنا تھا کہ کراچی کو الگ کرنے کا خواب دیکھا جا رہا ہے، سندھ کے شہری ایسا نہیں کرنے دیں گے۔

ان کا کہنا تھا کہ لاڑکانہ کے عوام تیر کے ساتھ ہیں، 17 اکتوبر کو تیر پر ٹھپا لگا کر وفاق کو جواب دیں۔

بلاول کا کہنا تھا کہ ایک سال سے عوام کی لڑائی اسمبلی میں لڑ رہا ہوں، میں نے حکومت کو گھر بھیجنا ہے، بی بی کی شہادت کے بعد میں نے پارٹی کا پرچم تھام لیا، آپ کو میرا ساتھ دینا پڑے گا۔

Comments

comments





Source link