8

کمسن بیٹی کے قتل کا مقدمہ لڑنے والا باپ عدالت سے واپسی پر لاپتا


کراچی: شہر قائد میں کمسن بیٹی کے قتل کا مقدمہ لڑنے والا باپ عدالت سے واپسی پر پراسرار طور پر لاپتا ہوگیا۔

تفصیلات کے مطابق کراچی کے علاقے منگھوپیر میں فائرنگ سے جاں بحق ہونے والی 8 ماہ کی خدیجہ کا باپ عدالت سے واپسی پر پراسرار طور پر لاپتا ہوگیا، لاپتا مدعی کا چار روز سے کچھ پتا نہ چل سکا، لواحقین نے منگھوپیر تھانے میں درخواست جمع کرادی۔

مدعی کے لاپتا ہونے پر تحقیقات جاری ہیں

پولیس

ذرائع کے مطابق لاپتا ہونے والے مقتولہ کے والد محمد چانڈیو کو کئی روز سے دھمکیاں مل رہی تھیں۔

کمسن خدیجہ کے قتل پر پولیس نے اندرون سندھ میں کارروائی کرتے ہوئے قاتل کو بھی گرفتار کیا تھا۔

لاپتا محمد چانڈیو نے بیٹی کے قتل کا مقدمہ 2019/115 منگھوپیر تھانے میں درج کرایا تھا اور مدعی محمد چانڈیو نے انصاف کے حصول کے لیے اعلیٰ حکام سے مطالبہ بھی کیا تھا۔

پولیس کا کہنا ہے کہ لاپتا شخص کے بھتیجے کی جانب سے درخواست موصول ہوئی ہے مدعی کے لاپتا ہونے پر تحقیقات جاری ہیں۔

Comments

comments





Source link