14

مذاکرات منسوخ ہونے کی توقع نہیں تھی، ٹرمپ کے ٹوئٹس پر حیرت ہوئی، طالبان ترجمان –


نئی دہلی: طالبان ترجمان نے کہا ہے کہ امریکی صدر ڈونلڈ ٹرمپ کے امن مذاکرات ختم کرنے کے ٹوئٹس پر بہت حیرت ہوئی تھی، ہم امریکا کے مذاکرات کاروں سے امن معاہدہ مکمل کرچکے تھے۔

ان خیالات کا اظہار طالبان ترجمان سہیل شاہین نے بھارتی میڈیا سے بات چیت کرتے ہوئے کیا، سہیل شاہین نے کہا کہ امن معاہدہ مکمل ہونے کے بعد اس کی کاپی دستخط کی تقریب کے دن تک کے لئے قطر کے حوالے کردی گئی تھی۔

ہمیں زلمے خلیل زاد اور ان کے وفد کے ارکان سے ملاقاتوں میں کوئی اشارہ نہیں ملا کہ وہ مذاکرات منسوخ کررہے ہیں۔

طالبان ترجمان کا مزید کہنا تھا کہ وہ خوش تھے اور سب چیزیں مکمل ہوچکی تھیں، ہم مذاکرات منسوخ ہونے کی توقع نہیں کررہے تھے۔

امریکا اور ان کے مقامی حمایتیوں نے افغانستان کے مختلف حصوں میں آپریشن شروع کیا،ایک سوال کے جواب میں سہیل شاہین نے کہا کہ رات کے چھاپوں میں لوگوں کے قتل ہونے کے بعد ردعمل سامنے آیا۔

سیز فائرمعاہدے پر دستخط کے بعد شروع ہوتا، ہم افغان مسئلے کا پرامن حل چاہتے ہیں، افغان مسئلہ کا حل فوجی نہیں ہے۔

Comments

comments





Source link