17

حقیقی عوامی تبدیلی لانا وزیراعظم کا عظیم کارنامہ ہے: فردوس اعوان


معاون خصوصی برائے اطلاعات و نشریات فردوس عاشق اعوان کا کہنا ہے کہ عوامی وزیر اعظم نے قوم سے دل کی بات کر کے ان کے دل جیت لیے۔ ملک و قوم پر مسلط دو خاندانوں کے استحصالی راج پر کاری ضرب لگا کر حقیقی عوامی تبدیلی لانا ان کا عظیم کارنامہ ہے۔

تفصیلات کے مطابق معاون خصوصی برائے اطلاعات و نشریات فردوس عاشق اعوان نے سماجی رابطے کی ویب سائٹ ٹویٹر پر اپنے ٹویٹ میں کہا کہ عوام کا درد اور احساس وزیر اعظم کی تقریر کا بنیادی جزو تھا، عوامی وزیر اعظم نے قوم سے دل کی بات کر کے ان کے دل جیت لیے۔ 

اپنے ٹویٹ میں انہوں نے کہا کہ عمران خان کا خطاب قوم کی آواز ہے، ملک و قوم پر مسلط دو خاندانوں کے استحصالی راج پر کاری ضرب لگا کر حقیقی عوامی تبدیلی لانا ان کا عظیم کارنامہ ہے۔

فردوس عاشق اعوان  نے مزید کہا کہ حکومت نے نہایت متوازن بجٹ پیش کیا جو معیشت کے استحکام اور ترقی کے نئے دروازے کھولے گا۔ ٹیکس وصولی کی مجوزہ پالیسی مؤثر ہوگی۔ صحت و تعلیم میں بہتری کا منصوبہ لائق تحسین ہے۔

فردوس عاشق اعوان کا کہنا تھا کہ سرکاری ملازمین کی تنخواہوں میں اضافے اور وزرا کی تنخواہوں میں کمی تاریخی فیصلے ہیں۔

اس سے قبل ایک پریس کانفرنس کے دوران معاون خصوصی کا کہنا تھا کہ وزیر اعظم عمران خان نے بجٹ میں غریب عوام کو ترجیح دی ہے۔ بجٹ میں معاشرے کے پسے ہوئے طبقے کا معاشی استحکام اولین ترجیح ہے۔

انہوں نے کہا تھا کہ افواج پاکستان نے دفاعی بجٹ میں اضافہ نہیں مانگا، وہ پیسہ بلوچستان اور قبائلی علاقوں کی ترقی کے لیے بجٹ میں مختص کیا جائے گا۔

install suchtv android app on google app store

(function(d, s, id) { var js, fjs = d.getElementsByTagName(s)[0]; if (d.getElementById(id)) return; js = d.createElement(s); js.id = id; js.src = "http://connect.facebook.net/en_US/sdk.js#xfbml=1&version=v2.12"; fjs.parentNode.insertBefore(js, fjs); }(document, 'script', 'facebook-jssdk'));



Source link